| 傳分手即攬仔床上示威 薛凱琪祖名冇聯絡口供唔夾 |
|
| 发布: Y.a.m.m.y 发布日期: 2008-11-20 01:03:05
查看数: 页面: http://www.colabug.net
|
房祖名與薛凱琪均表示大家已有一段時間沒見面。
房祖名與薛凱琪（Fiona）突然傳出分手，各自回應時雖然未夾足口供，但口徑一致強調「好友」關係，默契依然。而Fiona則於網誌上載與他人的親暱照，未知是否向祖名示威？
演藝人協會慶祝成立十五周年，前晚筵開42席，出席嘉賓以六、七十年代的懷舊打扮現身，當中包括譚詠麟、鍾鎮濤等溫拿成員、曾志偉、袁詠儀、任達華、苗僑偉夫婦等，場面相當熱鬧。被傳情變的祖名甫出現即成為焦點，他大方表示已兩、三星期沒與Fiona聯絡過，但早前以理事身份致電邀她出席是晚派對，想不到卻芳蹤杳然。對於分手傳聞，他說：「從來冇話一齊過，大家係好朋友。」
阿倫否認莎莉出家
而Fiona昨日接受查小欣節目《巴巴閉邊個夠我查篤撐》電話訪問，打趣指祖名是她的宿命，同時希望緋聞不要沒完沒了：「唔想搞到我好花心咁，我幾個月冇見祖名。（佢話兩、三星期喎！）係咩？一定唔係啦！（分手？）朋友點會分手！」而Fiona同時將早前拍MV，與男拍檔的纏綿床照上載到網誌內公諸同好，似向「未夾口供」的祖名示威。
另外，是晚出錢出力的阿倫，對於「莎莉」被傳削髮為尼，他說：「根本冇呢事，唔好搞住人咩大師啦，並非其人。佢冇去過度，冇發生過，記者鍾意點寫我冇辦法。（相中人唔係莎莉？）唔係呀！」同場的袁詠儀則不忘透過記者恭喜即將出閣的李嘉欣，且大爆對方已有生兒育女的準備：「有次見到佢，我叫佢快生，佢話：『我都想！』我依家仲未收到帖，請唔請我冇所謂，都戥佢開心。」
|
|
|
|
立即注册成为酷辣虫会员，查看完整版本！
使用1分钟注册酷辣虫可能是您一生中最明智的决定!
【浏览完整版本】 【我来说两句】 【打印】 【大】 【中】 【小】 【关闭】 |
|
|
|
|
|
|
