| 「難得有人撞車咪炒作吓囉!」 徐子珊遭八婆團明踩唔啱傾 |
|
| 发布: Y.a.m.m.y 发布日期: 2008-8-28 03:06:04
查看数: 页面: http://www.colabug.net
|
監製徐遇安堅稱為令劇中人物轉變更暢順才會補拍。
當徐子珊（紅圈）忙於跟記者談話時，陳敏之及黎諾懿 寧願為祭品拍照。
是非主角之一的伍姑娘昨日因病缺席拜神。
陳敏之(右)應記者要求與徐子珊合照，但之後便即時彈開。
苑仔為自己撞車無人報道，不及徐子珊撞車那麼多人知而大叫同人唔同命。
早前有報道指無綫新劇《美麗高解像》中徐子珊被「八婆團」欺負，而昨日「八婆團」中的陳敏之及苑瓊丹異口同聲指沒有與人不和，只是跟對方不熟稔而已，但苑仔卻自稱比子珊更早撞車但卻不為人所報道，在現場大呼同人不同命。
對於被指由伍詠薇、陳敏之及苑瓊丹等人組成的八婆團聯合欺負子珊，並於拍劇時掌摑到子珊要用冰敷面，敏之昨日出席《美麗高解像》時大呼無奈說：「其實我諗因為劇中我哋係要互鬥，所以至被人誤會，至於掌摑戲分係監製同導演要求，我都好錫住佢，事先已經除晒啲戒指，摑完後仲有問佢有無事，(但係佢後事要敷冰喎！)我就無見到佢敷冰，如果真係要問就問番當事人好啲。總之我哋就無好似報道咁夾埋玩佢啦。」報道又指敏之等人搞小圈子，但敏之解釋這只是大家的相識時間長短問題，她說：「伍姑娘係我契姐、苑仔又合作過好多次，但係子珊就係第一次合作，有啲嘢無得比嘅。(雜誌又話子珊NG太多所以要重拍喎。)咁有時導演認為再拍一次效果會好啲係啱嘅，我以前都試過，總之就無影響到我啦。」
苑仔歎同人唔同命
另一位「八婆團」團友苑仔則認為若大家覺得跟朋友熟稔就是八婆的話只好就範，她說：「如果熟啲就係八婆咁個個都係啦。(但係報道話你哋無溝通喎。)咁子珊嘅年紀唔同我哋嘛，大家話題都唔同，但係我哋都有傾工作上嘅嘢口架，我都明白有時無新聞係要搵嘢炒作吓，咁難得有人撞車咪煲吓囉，但係我之前夠撞車啦，仲撞得早過佢，我又夠摑咗伍姑娘10幾巴啦，點知都係無人寫，真係同人唔同命囉。」而伍姑娘昨日則因病而缺席拜神。
監製認子珊遲到
雖然昨日子珊不斷向記者澄清跟劇中演員合作愉快，但縱觀昨日的拜神儀式上除了記者要求外，也沒有多少演員主動走近子珊身邊，子珊向記者表示沒有看過雜誌的報道，但肯定沒有與人不和，大家都只是為了要拍好這個劇集，她說：「我唔係好識講嘢，不過一啲唔真實嘅報道我就唔再回應，早前係因為我身體同精神狀態唔好，所以有幾場戲要重拍，若果因為咁令劇組延遲或者帶來不便，希望佢哋會原諒我。」監製徐遇安亦表明沒有發覺劇中有人不和，至於有報道指子珊被公司「照肺」，徐遇安謂只是希望了解是否子珊太多工作而引至有時遲到，而重拍是為了令劇中人物首尾的轉變更暢順才會補拍。
怨拍劇辛苦唔夠瞓
此外，昨早子珊亦接受商台電話訪問，對於NG指責，子珊承認拍劇至今休息不夠，每日只瞓得兩個小時，未能作最佳狀態演出。至於被指杜琪峯上身不停指指點點，她說：「我相信無，我無咁嘅能力去指點，大部分係演員之間或者同導演溝通，佢哋都鼓勵演員咁做。」 |
|
|
|
立即注册成为酷辣虫会员，查看完整版本！
使用1分钟注册酷辣虫可能是您一生中最明智的决定!
【浏览完整版本】 【我来说两句】 【打印】 【大】 【中】 【小】 【关闭】 |
|
|
|
|
|
|
